About Us

WHO ARE WE

Aki, bo ta haña informashon tokante e konsultorio general di dòkter di kas, dr. B. R. Hooi,  bo dòkter di kas. Por fabor, lesa eakí ku atenshon. Si bo tin pregunta,  bo por akudí semper serka e asistènt.

Dòkter di kas: 

• dr. B. R. Hooi

Asistènt na ofisina:

• Carlita Gumbs, asistènt di dòkter

Relashoná ku planifikashon di e ora di konsulta, e asistènt por puntra bo e motibu di bo bishita na dòkter.

Bo por akudí serka e asistèntnan pa lo siguiente:

• mara herida ku ferbant

• hala hilu

• laba orea

• pasa angua i prek kontra grip

• tèst di embaraso

• sierto kontròl, entre otro: preshon di sanger, peso i orina

• kontròl di suku den sanger

• karta di referensia / solisitut di outorisashon

• dunamentu di resèpt

• traha sita pa konsulta / kontròl di dòkter

Si bo a bini solamente pa midi preshon di sanger, un resèpt, un karta di referensia òf un di e kosnan menshoná akiriba, e ora ei no ta nesesario pa bo warda den sala di espera te ora dòkter mira bo den konsulta. E asistènt por hasi e kosnan akí pa bo.

E pashèntnan ku ke laga hasi un pap-tèst, mester traha un sita pa esaki. Ta hasi pap-tèst den e oranan di mainta.

Ta duna preferensia na yu chikí ku ta malu / mucha di ménos ku 10 aña. Nos ta pidi bo komprenshon pa esaki.

Orario di konsulta:
Ofisina ta habrí tur dia di trabou di 8:00 pa 12:00 a.m. i di 14:00 pa 17:00.  Entre 12:00 i 14:00, por komuniká ku dòkter na number 663-8749 di su móbil pa kaso di emergensia. Riba djamars atardi, dòkter ta wak solamente pashentnan na kas, ku no por bin ofisina. Ofisina ta será riba djaweps atardi.

Ora di konsulta:
Mahinta entre 08:00 pa 10:30 a.m. I atardi entre 14:00 –16:00 solamente según sita. Pa traha sita por subi riba website di ofisina www.simplexmedicalcenter.com òf por yama na ofisina riba number 737-7244.
Riba djaweps ofisina di dòkter ta habrí di 08:00 pa 12:00.

Pa kaso di emergensia, riba djaweps entre 14:00 or i 17:00, bo por yama dr. B. R. Hooi riba cell. number 663-8749.

Bishita na kas:
Si bo no por pasa na ofisina, e ora ei bo por yama ofisina pa pidi un bishita na kas. Pa por programá e bishita na kas, ta bon si bo por a yama na ofisina na number 737-7244.
Semper ta preferibel pasa na ofisina ya ku na ofisina tin mihó posibilidat pa saminashon i tratamentu.
 

Kaso di emergensia durante ora di konsulta:
Den un kaso di emergensia, kaminda dòkter tin di hasi un bishita na kas, e ora ei bo mester mèldu esaki na e asistènt, dunando nòmber i adrès i eventualmente un number di telefòn di e pashènt en kuestion, i dòkter lo hasi e bishita na kas mas pronto posibel.

Liña di servisio:

Tuma nota: Por tuma kontakto ku Huisartsenpost Curaçao (HAP) pa kasonan di urgensia na 462-9252.
Por yama den siman entre 17:00 - 8:00 den wikènt i dianan di fiesta 24 ora.
E yamada ta grátis!

​

Semper tin nòmber i number di sedula klá ora ta yama HAP, esaki ta pa evitá tardansa den atende bo kaso.

Sentro multidisiplinario:
E ofisina di dòkter di kas ta ofresé kuido tambe mediante e dunadónan di kuido menshoná akibou. Pa pregunta, bo por tuma kontakto ku e asistèntnan.
 

Dietista

• Eurlyn Acosta-Konket

Djamars kada dos siman di 8:00 - 14:00

Podoterapista:

• Roxanne Leonora

Tur djaluna hinter dia konforme oranan ku ofisina ta habri o konforme palabrashon hasi ku e podoterapista.

Sekreto profeshonal

Ta importante pa bo sa ku e empleadonan na ofisina ta mará na nan sekreto profeshonal.

​